「貪曾」前特首曾蔭權爵士在任七年，房屋規劃政策失敗，搞到樓價急升，近日有消息指政府會將貪曾早年預定做私立大學用地嘅粉嶺皇后山地皮，用作興建公營房屋，有新界鄉紳就有感而發爆料，指早前流標嘅一幅大埔私家醫院用地，早喺貪曾剛上任時，已有地區人士建議用來起樓，點知貪曾妄想大搞六大優勢產業，招呼都唔打就攞咗嚟做私院地皮，結果白白浪費土地五年。

設計圖片及對白

鄉紳話，早喺貪曾宣布將呢幅地皮用作興建私院前，地區已有唔少聲音建議用來起樓，當時嘅房屋部門高官，更曾親自同地區人士落區實地研究視察，只係未決定用來起私樓或是公營房屋，結果畀貪曾嘅大計搞到泡湯。之後政府如期喺一二年四月刊憲將該幅地劃作私院地皮，並開始公開招標，結果卻以流標收場，負責幫貪曾收拾爛攤子嘅新政府，最近決定還原基本步，將呢幅大埔地皮撥番畀發展局用來起樓。

第一手消息請下載on.cc東方互動iPhone/iPad/Android/Windows Phone Apps