香港政壇有個特別名詞—「蛇齋餅糉」,每逢選舉前夕,泛民主派同建制派都互相指控對方搞「蛇齋餅糉」拉票,但究竟邊個係「蛇齋餅糉」嘅始祖呢?工聯會前立法會議員鄺志堅就爆料話,工聯會早於七九年開始搞「蛇宴」聯絡會員喇,即係至今已有三十多年歷史喇!

爆完料後,鄺又講到九五年立法局選舉單議席單票制,當年被喻為建制派「四大天王」嘅譚耀宗、陳婉嫻、曾鈺成及程介南參選,但除咗陳婉嫻外,其餘三人都輸晒。

鄺志堅直言,如果當年「四大天王」中有兩、三個人勝出嘅話,九七回歸後嘅立法會選舉,地方直選就未必會引入比例代表制呢個選舉方式。

第一手消息請下載on.cc東方互動iPhone/iPad/Android/Windows Phone Apps