政壇：孔令成細個係藝術盲
海洋公園副主席孔令成多項公職在身，身兼西九文化區董事局成員嘅佢，細個雖學過幾年鋼琴，但一直就唔鍾意練琴，又覺得粵劇好悶，即使佢爸爸帶佢去睇《天鵝湖》芭蕾舞，佢亦唔太欣賞，不過今時今日，佢已唔同晒，仲建議大家都要對藝術保持開放同好奇嘅心態。
孔令成建議市民要對藝術保持開放同好奇嘅心態。
孔令成喺西九文化區管理局最新一份電子通訊話，依家會敬佩將樂器玩得出神入化嘅音樂家、覺得《天鵝湖》好精彩，而且可以目不轉睛咁睇幾小時粵劇表演。依家鍾意藝術嘅佢又話，對西九文化區期望甚高，希望可以將藝術帶畀大家。
