一日，一個賊仔當街搶嘢，一眾熱心市民自發追捕賊仔，「咪走、咪走」之聲響徹街頭，亦令更多人參與捉賊仔行動。可惜賊仔耐力驚人，一口氣連跑九條街，大多市民已無力再追，惟有一人緊隨賊仔之後，而那人竟是貪湯。
跑咗半日，賊仔終於頂唔順，回頭問貪湯︰「搶個袋啫，你使唔使追我半日？何況你都唔係好人，捉到我你都無着數！」只見貪湯一臉正經道︰「啲人明明大叫『米酒米酒』，捉到你我咪可以拎啲米酒慢慢歎！」
