政壇：陳子明「早退」告別地產界
近年有唔少人選擇早啲退休，早啲享受人生。最新人辦就係地產界高層陳子明，佢哋公司尋日公告，陳子明將提前退休，並同時辭去該集團發展及市場部總監一職，雖然陳子明服務咗三十幾年，但退休之齡只係五十幾歲咋噃，點解咁早萌去意呢？
據陳子明嘅同事話，佢健康冇問題，仲如常返工添，今次提早退休只係想享受一下人生喎。陳子明主要負責物業發展同投資物業，大嶼山愉景灣係佢一手湊大，其後進軍東涌同荃灣等地區。佢嘅辭職將喺十月一日起生效，換言之，只需再返多二十幾日工，佢就可以告別地產界，快快樂樂退休喇。
