SUN驚奇：違法出事 保險唔賠
出海遊船河、暢泳，本是賞心樂事，但若乘搭超載快艇，隨時樂極生悲，性命不保。保險業人士表示，即使快艇有購買第三者保險，但若因超載出事，乘客亦可能不獲賠償。
國際專業保險諮詢協會會長羅少雄表示，快艇即使有購買第三者保險，出事後令乘客受傷，保險亦未必會賠償：「一般保單都會講明唔保違規、違法事項，海事處規定隻船可以坐幾多人，超過呢個人數就係違法，死咗都未必有得賠，市民唔應該攞條命嚟賭。」
執業大律師陸偉雄亦謂，若快艇因超載而失事，令乘客受傷或死亡，受害人可向船主、船公司及快艇操作員作民事及刑事索償：「如果超載，快艇操作員同船主可以拒絕開船，決定咗開船而出事，責任一定喺操作員同船主度。」
不過，他稱若乘客明知快艇超載仍要強行登船，最終導致沉船，而船主或船隻操作員在船隻超載前已作出警告，證明乘客強行要求登船才發生意外，船主或船公司反而可向乘客提出賠償要求。
