城中鏡：余秋雨揸A股身家飛漲
上海設立自由貿易區嘅消息繼續發酵，持有「自貿區概念股」嘅股民就發達，著名作家余秋雨因為揸咗好多徐家匯商城嘅股份，身家升咗唔少，被投資者喻為A股市場中「最有錢」嘅作家。
余秋雨被投資者喻為A股市場中「最有錢」嘅作家。
早喺二○○一年，余秋雨以每股唔夠三蚊嘅價錢，購入徐家匯商城八十二點五萬股，出資一百四十一萬元（人民幣．下同），經過數年嘅股本增資，喺徐家匯持股數量已達五百一十八萬股。
最新年報睇到，佢一股都冇賣過，依然有五百一十八萬股，以尋日收市價十點四四元計算，余秋雨淨係揸住呢隻股票，身家已超過五千四百萬元。
雖然係賺咗好多，其實徐家匯股價曾經去過二十元，即係話，余秋雨淨係揸住呢隻股票，身家都曾經過億元，難怪被喻為A股市場中「最有錢」的作家。
