SUN揭秘：街坊紛關心問候
訪問期間，洗衣店東主黃女士的手機不時響起，「好多街坊都打嚟問我點，叫我如果搬記得要同佢哋講聲。」在小小的洗衣店內，堆滿了客人待取的衣服，不少客人取回衣服時，亦不忘送上一聲問候，關心之情不言而喻。
「其實你依家諗住點﹖」訪問中途，忽然有另一把聲音搭上了嘴，是一直守候在旁的男士，他就住在對面大廈，「炮仗街嗰邊咁新就收嚟重建，呢邊（啟明街） 咁爛溶溶都唔理，你話個政府搞乜﹖真係好唔公平﹗」
協助這批居民的九龍城區議員潘志文斥政府處事混亂，「明明啟明街五十一號係優先重建嘅中心，點解唔可以即時重建﹖」他直斥現時屋宇署只拆卸露台的決定明顯是「頭痛醫頭，腳痛醫腳」，期望政府能以九龍城作為整體地去規劃重建，令社區設施更完善，居民亦能免於流離失所。
