SUN揭秘：土瓜灣危樓 住戶誓留守
一張封閉令，令土瓜灣啟明街五十一號居民及商戶原來平靜生活，頓時泛起軒然大波。這幢五十六年樓齡的六層高唐樓，早前被屋宇署指露台有危險而需拆卸，署方更事先張揚會於明日向法庭申請封閉令，成為馬頭圍塌樓事件後，屋宇署首次封樓行動。家園被封，最措手不及莫過於居民及商戶，他們對於署方不近人情的做法強烈不滿，更下定決心留守家園，誓不搬遷﹗
杜太
屹立超過五十年的啟明街五十一號，即將被申請封閉令，居民誓守家園。
林婆婆：在土瓜灣生活接近四十年，堅決留守家園。
黃女士：洗衣店開業兩年，生意漸上軌道，卻隨時被迫遷。
露台兩間房成百幾呎，就算畀番間屋我，對仔女都唔知瞓邊，瞓廳都唔夠位啦。
啟明街五十一號外牆，掛了四條寫滿字的布條，盡是居民的申訴與心聲。其中一名「苦商戶」，瑟縮在一間簡樸的洗衣店，東主黃女士正在默默地工作，提到封閉令，她顯得一臉無奈，「你係要我走都早兩、三個月通知畀啲心理準備我，依家咁倉卒，你叫我搬去邊﹖」她原在老人院任職，約兩年前將洗衣店頂下來，生意近月才漸漸上軌道，尚未回本便要被迫暫停營業，「咁辛苦先儲到班熟客，仲要無耐前先換過啲洗衣機，今次真係血本無歸。」當記者問到封樓當日她有何對策，她毫不猶豫回答，「佢哋（屋宇署）嚟我都照開門，我唔會走嘅﹗」
記者沿着僅能容一人通過的樓梯拾級而上，打算從頂樓逐家逐戶拍門訪問，樓梯通道既窄且黑，不少單位亦空置多時，繼續留守的住戶，寥寥可數。「要搬到去屯門咁遠，買餸都唔識路，打死我都唔會搬呀﹗」林婆婆本不欲接受訪問，然而愈說愈激動，「呢度個個街坊都識我，萬一喺條街度死咗，啲人都知我住邊，搬到咁遠，真係死咗都無人知﹗」滿頭白髮、只餘一隻眼視力的她，在這唐樓已住足三十九年，原以為可安樂過晚年，奈何現實總難盡人意，「我本身間屋咁大，住得舒舒服服，依家竟然要拆走我個廚房，你叫我點住，總之我一定唔會搬﹗」林婆婆沒想過與屋宇署人員硬拚，只希望憑着居民的堅持，可以令當局考慮他們的苦況，酌情處理。
要求長者重新適應新環境不容易，就算年輕一輩，亦被突然而至的消息弄得六神無主。小業主杜太在醫院任職，「我喺度住咗十三年。」她一家四口棲身在這約五百呎的空間內，將要拆卸的露台位置，正正是她一對子女的兩個房間，「兩間房成百幾呎，就算畀番間屋我，對仔女都唔知瞓邊，瞓廳都唔夠位啦。」堅決拒絕入住屯門中轉屋，是她的最後底線：「我個囝喺呢頭返學，我喺旺角返工，住咁遠點搞﹖政府完全無理過我哋感受，好離譜。」滿肚冤屈卻無能為力，她只能一臉無奈地站在子女房門外，祈求一線曙光。
