若果你睇到尋日《東方日報》頭版新聞,肯定你會嘮嘈過我呀!

《東方》《太陽》尋日頭條報道,大陸山西省有個六歲小孩子,被人擄走,監生挖去雙眼珠,痛暈丟棄一處荒地山邊,直至晚上十時多才被發現,送院搶救三小時,檢回一命,但確定終生失明!

這家父母與人無仇,本與獨生子幸福過活,何解,會飛來橫禍?WTF!

咪就係呢個自詡強盛有錢的共產大國囉!生活喺呢度,就係原罪也!身體健康就有危險!呢度啲千刀殺無人性,幾卑劣無恥的事都做得出!

當搜救隊尋獲受傷小孩的同時,在附近草地赫見他兩顆被挖出的眼球,但眼角膜卻已割去,即係有人為取眼角膜,而辣手行兇,做出滅絕人性的活摘器官賤事。

大陸呢個地獄鬼國啲人愈有錢,就愈賤格,用錢買盡最天地不容的惡行。有人傷風睇醫生,食醫生畀啲藥而變成胃痛,再返去見醫生,被指要立刻開刀救治,手術後醒番,出院半年驗身,始知唔見咗一邊腎,此乃大陸強國平常事,不再是「奇聞」!國家領導人視而不見!

一個小朋友,一個大好家庭,只因活喺一個無道德、滅絕人寰嘅鬼域裏,終生幸福就此失掉!

對此現況,除了講出廿四字粗口,你話我哋香港本土人,還可以做乜呢?

彭志銘

次文化考古學家,對城中潮語有深入研究,博徵博引,廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps