有日自稱政治家嘅貪曾、庸醫周一鑊加埋僭建工程師陸伯玖辯論，個辯題非常之硬膠，就係「邊種職業最重要」！周一鑊引經據典，「《聖經》都話啦，夏娃係用阿當嘅骨造成o架！所以我話開刀嘅醫生最重要，尤其我成日都手術失敗，整斷人哋條肋骨。」僭建工程師陸伯玖即時反駁：「唔啱，世界由六天混亂中造成，係周一至周六，所以唔係『周一』鑊最叻。呢項係偉大工程，然後先有亞當同夏娃，當然係我工程師最重要。」喺呢個時候，貪曾寸寸貢咁話：「各位，咁混亂又係邊個造成呢？」然後，貪曾睥睨眼前香港亂局，一臉自豪，而香港七百萬人即時異口同聲話：「都係你呢條政棍最『重要』！」

第一手消息請下載on.cc東方互動iPhone/iPad/Android/Windows Phone Apps