SUN搞作:sun官場現形記:花弗男搵人撐
某日李衞行街,見到激讚自己靚仔後生又高層嘅花弗男喺度自言自語喎,望真啲,原來有人拍緊嘢,花弗男好似周一鑊咁,行過去指指點點!真係笑爆李衞個嘴呀!
醫生A:(手術中,指住個心)啊……個心!你快啲量吓佢!
花弗男:(也文也武)啱喇,啞視係最有良心嘅!
醫生B:(緊張,準備打針)快啲落一針……見血嘞!
花弗男:(也文也武)係呀,啞視嘅節目不嬲都一針見血o架!
醫生A:(緊張,手術中)啊,不!到,到,到!
花弗男:(也文也武)永不倒!啞視係永不倒嘅!
醫生A&B:(煩厭)你邊位呀?我哋喺度做緊模擬換心手術,你唔好喺度煩住我哋啦!
花弗男:(勸說)你哋好有潛質參加集會撐啞視!
醫生A&B:我哋拒絕!
花弗男:(也文也武)點解?啞視最實事求是、求真、收視仲有黃金比例添!
醫生A:人嚟!抬佢上去!
花弗男:(好開心)好呀!歡迎你哋上台撐啞視!
醫生B:你擺到明腦殘啦!一於搵你嚟做個開腦手術,醫番好你締造醫學奇迹先!