貪曾遇綁架

貪曾去澳門黐飲黐食遊船河，架船突然無油，遇到海盜綁架，綁匪威脅用汽油燒死貪曾。貪湯話：「曾曾唔使驚，我有橋！」然後即刻去塞緊車嘅八月十五路度籌錢，貪湯敲司機A窗，大嚷：「我兄弟貪曾雀屎畀人綁架，威脅用汽油火燒，快啲捐錢畀我交贖金！」司機即伸中指，再爆多句「你已經貪盡海陸空，仲向小市民埋手，收皮啦你！」然後閂窗，點知貪湯繼續唔知醜，向司機B埋手，B竟然落車仲當眾募捐，大聲講：「好，我捐一千！」司機C即落車和應：「我捐多啲，一萬！」得見此景，貪湯淚灑當場，大聲叫多謝。司機B同C加番句：「架船泊喺邊？我哋講緊捐汽油呀！」

第一手消息請下載on.cc東方互動iPhone/iPad/Android/Windows Phone Apps