政壇：巴黎鐵塔下拉票吳文遠嘥氣

澳洲大選就快到，估唔到澳洲工黨黨魁陸克文為咗協助工黨勝出，連喺香港都落重本大賣選舉廣告。最近工黨租咗中環大會堂附近一塊大廣告板，諗住盡吸居港澳人選票。廣告仲以「A New Way」（新路向）為主調，總之投工黨就可保就業、穩經濟。

社民連署理主席吳文遠見到呢塊廣告板，即時諗番起自己都做過類似嘅事。話說二○一一年區議會選舉前夕，佢同媽咪齊齊去巴黎旅行時，都不忘喺巴黎鐵塔下同有自己嘜頭嘅宣傳海報合照，但巴黎有幾多香港選民，吳文遠心中有數啦。招數似乎一樣，但效果未必相同，唯一優點只係唔使畀廣告費。