街坊請飲可樂自怨害咗佢
【本報訊】非常父親自誇辣招教仔使得，旁人看在眼裏卻是冷酷無情，不少街坊同情溫童常捱餓罰企，紛紛暗地送上食物讓他充飢，有街坊甚至因日前給他送上汽水，恐他因此被逐出家門而自責。「一日都係我唔好，一定係我早幾日請佢飲可樂，畀佢老竇喺閉路電視睇到，所以搞到佢連罰企都冇得企，被人趕出街要瞓麥當勞咁陰功！」
街坊透露，溫氏一家在翠梓樓居住約十年，不少鄰居幾乎看着溫童長大，實在不忍心他受苦，也不認同溫父教仔方法，坦言：「就算想教好個仔，都唔使日日罰企、飯都唔畀佢食兼以粗口鬧吧？佢以為咁個仔就驚咗佢，成績好咗啲，但其實好傷小朋友嘅自尊心，對成長會留下陰影，而且小朋友處於發育年齡，成日吃不飽會唔夠營養，咁會影響成長健康o架！」
另一名街坊則表示，據知已有社工曾經跟進溫童的狀況，而早前他曾經給餅乾予他充飢，但他也不敢接受，嘆謂：「我近排睇見佢愈來愈瘦，我真係好擔心！」
