SUN搞作：少膽虫手記：那些年，一起做過的記者
「每當少膽虫看見電視上的妳雄辯滔滔，都不期然想起那段青葱歲月。那時候我們一齊做記者仔，妳做妳嘅文教版，我寫我嘅風月版。但現在妳我天各一方，妳貴為香港家長之首，全港家長聽將號令，尊貴議員更奉妳為顧問；少膽虫卻淪為《爛果》腦腫，日日擦鞋、食Lunch、炒人同作新聞……」少膽虫走筆至此，前塵翻滾，不禁悲從中來，眼角滲淚，呢封情信寫唔到落去。
「少膽虫！乜你咁得閒寫信咩？」淫賤黎喺身後喝道。少膽虫想收埋封信，但淫賤黎一手搶走。「呵呵呵，少膽虫你發姣呀？睇吓畀邊個先……」淫賤黎本來笑淫淫咁睇，突然黑面：「咩話！你竟然同香港家長之首寫信？佢成日鬧我哋《爛果》抹黑o架喎！」淫賤黎扯住少膽虫耳仔質問：「快啲講！少膽虫你係唔係通番賣果？」
「無呀！腦細！」少膽虫不掩飾心中傾慕：「少膽虫只係同佢惺惺相惜，一樣咁欣賞鼠王芬嘅甜笑，同埋佢可愛嘅大板牙咋！」淫賤黎聽後震驚得不能言語，半分鐘後先至嚎叫：「我都好鐘意呀！點解偏偏個天要我哋彼此為敵！」當下無話再講，少膽虫與淫賤黎抱頭痛哭，後悔當初放棄新聞道德，以及那一段可能的情緣。
