SUN搞作：網絡小說：啞洲王朝覆亡記
盛後主驚聞強虜七日內勢將攻陷大埔宮孽城，逼他退位，便召一眾宮女太監，齊集大殿。「嗚嗚……」大殿上哭泣聲此起彼落，交頭接耳：「死啦，無錢跟陳體態移民瓦魯阿圖添。」「鬼咩，皇上籌旗，拎晒啲銀両去，我哋成班啞洲子民都冇銀用，點搞移民喎？」未幾，盛後主拭乾眼淚，指住身後幾箱銀票，向眾人哽咽道：「眾所九知，呢度十六億銀票，無一分錢係問冥通錢莊借。」盛後主隨手檢起一把，再說：「在當今環境下這樣的結果並不意外，趁盂蘭節過咗無耐，朕要為良心路線付出代價。」
說罷，盛後主取來火把，將十六億銀票付諸一炬。殿上眾人卻毫不詫異，畢竟以往每天的花費，也如看見一輛法拉利推落海。盛後主喟然嘆曰：「願天佑骯港、天佑啞洲……PK喇，嗰一百萬両罰款唔記得拎番出嚟添！人嚟呀！救火呀！」定睛一看，盛後主才發現殿上一空，只好苦笑。突然殿門洞開，賊兵原來經已入寇。「為啞洲朕會戰鬥至最後一刻！」盛後主大呼。「征王帝」已橫刀立馬，逼問盛後主：「哼！你就係兒皇帝？」
「我問過朋友咩叫兒皇帝，如果係指高層、後生同靚仔，我承認。」盛後主chok到不行，但沒說幾句就倒在血泊中。征王帝冷笑：「有人爭住做兒皇帝、畀我甩身都有嘅？」
