SUN搞作:Sun官場現形記:齊取法蘭西經
同樣貴為行會成員,棠哥同胃鯨BB對於要避嫌嘅款待,認知好唔同,李衞不得不讚胃鯨BB係敏感時候識得嗌「唔好!停!」不過,棠哥都靜雞雞同李衞講番,佢參加法國「收機團」,原來都有苦衷……
棠哥:冤枉呀!家陣做官咁多箭要擋,梗係去邊都要帶埋個老婆o架啦!
李衞:咁你老婆知唔知你偷偷摸摸,走去睇「癲牛」艷舞?
棠哥:吓!咁你都知?唔好同我老婆講,我仲走入後台(目及)嘢呀!
李衞:嗱!你自己爆o架咋!
棠哥:我只不過想裝吓佢哋個篩啫!
李衞:咁變態o架你!
棠哥:我係話個篩選程序呀!睇吓人哋點樣篩啲艷星出嚟咋!
李衞:人哋法蘭西選舉先唔會搞啲咁嘅「篩」嘢囉!
棠哥:*︿#$#*!!