人民力量新主席袁彌明（Erica）升咗呢，日前印製一批新卡片，不過，呢款卡片只印咗電郵地址同傳真號碼，人哋要憑卡直接聯絡佢都好難。Erica承認，係因為擔心再有癡漢不停打電話騷擾佢，所以先決定唔印私人電話號碼，又話其他人力執委都同意佢嘅決定。佢投身政界、又做埋一個政團嘅主席，好難再享低調，喺卡片上做手腳，等於掛面紗遮啲唔遮啲，作用有幾大真係令人存疑。

設計圖片及對白

不過，靚女多煩惱，Erica話上次騷擾事件雖然告一段落，但最近又有前職員公然喺佢嘅社交網站寫上冒犯性言論，嚇到佢再度花容失色，所以決定都係唔好再向咁多人透露個人資料，以免再被人騷擾，但暫時未有計劃報警。佢仲話，將來會開個新電話號碼方便處理黨務，又話支持者可以寫電郵畀佢。至於點解唔印辦公室電話，Erica就大嘆人力如今仍未搵到新辦公室，惟有「寄居」兩位立法會議員寫字樓處理人力雜務，要等搵到新總部後先可以有公司電話喎。

第一手消息請下載on.cc東方互動iPhone/iPad/Android/Windows Phone Apps