公共專業聯盟有資訊科技界莫乃光（Charles）和會計界梁繼昌兩名立法會議員，理應有一定政治影響力，但Charles尋日卻呻，佢哋不時遭人忽略，連中學生做骨幹嘅學民思潮，都無搵佢哋聯署約章推動公民聯署提名特首候選人，睇嚟公專聯要諗吓計增加知名度喇！

Charles尋日出席論壇時自爆，早前有人提出政改方案，都好少人搵公專聯回應，但其實公專聯係唔傾向有自己政改方案嘅。至於公民提名，眾所周知學民思潮早前邀請各泛民代表聯署約章，推動公民聯署提名特首候選人，但原來學民思潮一直都無搵佢哋聯署，Charles笑言可能唔當佢哋係政黨所以無搵佢哋，又話自己傾向不聯署約章，似乎有啲酸葡萄感覺。

第一手消息請下載on.cc東方互動iPhone/iPad/Android/Windows Phone Apps