城中鏡：任正非怕上市養懶員工
企業發展得咁上下，就會成日畀人問幾時上市。偏偏好多又大又靚嘅企業，打死都唔肯上市，原來係同錢有仇，正如華為創始人任正非所形容，上市會令員工養得太肥，變得懶惰。
任正非認為員工年紀輕輕太有錢，會變得懶惰。
佢嘅名言整體意思係咁嘅：「豬養得太肥了，連哼哼聲都沒了。科技企業靠人才推動，公司過早上市，就會有一批人變成百萬富翁、千萬富翁，佢哋嘅工作激情就會衰退，對華為唔係好事，因為員工年紀輕輕太有錢了，會變得懶惰，對佢哋個人成長不會有利。」
原來公司董事會喺過去二十多年來，從來冇研究過上市問題，佢講明未來五至十年內，華為既唔考慮整體上市，亦唔考慮分拆上市，更唔考慮通過合併、兼併同收購嘅方式進入資本遊戲。
