跟久未見面的老朋友飲茶,講到我們呢一代香港人很幸福,成世人都無遇上大災難,即使中國大饑荒、滅絕人性的文革和六四慘案,咱們香港也無波及,頂多是○三年的沙士,也早已復原,所以,佢話好感恩!

啱咗一半啦!香港一百五十年來,由蕞爾荒島變成國際大都會,只用了十六年時間,便統統炒起,尤其近十四個月,簡直邁向人間煉獄去!

之不過,相對鄰近大國,香港仍剩下少許法治原則嘅!值得自豪和珍惜!

中國大陸昨天起,審訊歷來最受外國傳媒關注的大貪污案。重慶前市委書記薄熙來的案件,比任何一套荷里活大片的劇情更出人意表,它如何發展落去、涉及啲乜嘢內幕、最終點樣收場,應有排玩的,此處不談這些,我只想講一啲好鬼有趣的得意嘢。

嗱!全球任何一笪地方的辯護律師,理應係替「疑犯」辯護,爭取公正無訛的審判至係o架!點知,喺中國大陸呢個與眾不同的地域裏,辯護律師的「工作」,主要係確保公眾所見的「審案過程」順利進行;故此,出庭前已與案中所有「持份者」傾掂咗數,而且有埋完整「劇本」,出現在鏡頭前的所有「工作人員」只須按「劇本」演繹一次便是!所以,中國是全球最和諧的強國,係有佢嘅道理的!

活在香港,我們真的需要感恩呵!

尋日,在薄熙來審訊庭中,有條庭警,畀人踢爆起底,原來是一名經常演出電視劇的「老臨」,哈!上畫的法庭,可能只是個廠景!此乃國情!

彭志銘

次文化考古學家,對城中潮語有深入研究,博徵博引,廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps