淫黎近日周不時成隻鬼咁，喺辦公室入面好似唱神曲《忐忑》咁無限loop：「救救壹全霉～吖～」得見此景，少膽虫不禁心有戚戚然，因為實在好多員工畀淫黎親切嘅歌聲影響到，紛紛好似中咗降頭咁反晒白眼，無辦法做好呢份工。

為免班細嘅做唔到嘢，阻住自己去食一千蚊個嘅lunch，少膽虫決定入房安慰，「腦細BB，哭在你身，痛在我心呀！」少膽虫攬住淫黎個頭，輕輕搓揉，淫黎竟然一嘢推開少膽虫！

「腦細，你唔要我喇？」少膽虫不明所以，「大話！呃人！」「腦細，我呃你啲咩？」「我唸緊經呀！你唔好煩住我啦！」淫黎一巴冚落少膽虫度，「尋日喺堆填區門口，我見到上次嗰位道德大師，佢話只要我keep住唸《爛果》嘅信念一億次，壹全霉就有望轉危為機。」唉，少膽虫唔記得同淫黎講，嗰位道德大師已經騰雲駕霧取西經，返咗喜馬拉雅山尖嘞，睇怕，佢見到嘅僧人唔係人，只係喺大陸落嚟食肉呃人嘅魔僧。

第一手消息請下載on.cc東方互動iPhone/iPad/Android/Windows Phone Apps