政壇：楊敏德打乒乓波治眼疾
都市人日日唔係對住電腦，就係做「低頭族」猛篤智能手機，唔單止易眼乾，嚴重更會爆眼球微絲血管。有「紡織女王」之稱嘅行政會議前成員Marjorie楊敏德話，平時返工長時期望住部電腦，有時背景燈光太強烈，令佢一度爆眼球微絲血管，佢曾經試過好多解決方法，滴眼藥水、定眼望蠟燭，通通都唔work。最後一個朋友私人醒條「秘方」畀佢，就係打乒乓波醫眼，咁都得？佢話打乒乓波時需要極強專注力，「眼仔睩睩」左右（目及）實個波，係非常好嘅眼部運動喎。
楊敏德
依家Marjorie一有時間就會打吓乒乓波，護眼又減壓。佢話好耐之前都有打開乒乓波，但打打吓覺得個波搓來搓去冇乜意思，久而久之就放棄咗。咁既然知道呢種運動咁有益健康，佢梗係會繼續玩落去啦！
