佔領中環行動將喺十一月舉行民間第二場商討日,白鴿黨嘅和平佔中工作組尋日宣布會協助佔中秘書處落區宣傳佔中訊息,首先就會以佔中橫額打頭陣。工作組特別整咗二百條寫上「真係有普選,咪唔駛(使)佔中囉」嘅橫額,準備掛喺建制派「反佔中」嘅橫額旁邊,睇嚟政黨佔中橫額戰將會一觸即發。

召集人羅健熙話為咗秉持「輸人唔輸陣」嘅原則,所有佔中橫額都會掛喺建制派橫額旁邊,當中首選主攻「做乜佔領中環?」橫額。該黨仲已捐出四十萬元畀工作組宣傳佔中,數額多過該黨喺七一籌款嘅總和喎!

第一手消息請下載on.cc東方互動iPhone/iPad/Android/Windows Phone Apps