王雪紅話並非貴價智能手機才可以創新。（ 資料圖片）
智能手機市場競爭愈演愈烈，幾大品牌鬥個不停，台灣智能手機品牌HTC，喺芸芸國際大牌子中殺出一條血路，董事長王雪紅將HTC嘅產品，定位成「謙虛嘅創新」，佢仲話，唔一定係貴價嘅智能手機先可以創新，平價嘅Model一樣得﹗自信得嚟有氣魄，IT界女王仲話，建立一個品牌係需要堅持嘅，佢會樂於面對不同挑戰。
講到公司嘅表現，佢好大方咁承認公司嘅缺點，話今時今日HTC最大嘅弱點就係營銷方面做得唔夠好，簡單啲講即係「唔接地氣」，意即唔夠直接同通俗、親近民眾，令到消費者唔可以即刻接受到呢間公司想表達嘅訊息！所以HTC今後要做到「更接地氣」。
有媒體將HTC同三星做比較，指三星所用嘅宣傳費用比HTC多幾倍，王雪紅都認同，話佢哋以後會加強番呢方面嘅工作。
第一手消息請下載on.cc東方互動
