城中鏡：趙式和相睇結良緣
相睇被視為古老嘅婚戀渠道，不過富商嬌嬌女趙式和嘅一段良緣卻係相睇而來，講起呢段緣，佢透露○七年由父親趙世光安排跟現任丈夫李承康「相睇」。「我仲記得第一次見面係喺福臨門，當時覺得大家都幾好傾，再之後約會咗幾次就拍拖，當時我都過咗三十歲，所以到○九年我哋就結婚！」
趙式和坦言，與丈夫相識是因為父親安排相睇，但呢個老土方式令佢尋得另一半。
四年過去，兩個人感情好好，但就冇計劃添兒女，佢話：「老公大我九歲，婚前我哋已經協議咗唔會生BB，因為老公daddy好細個就過咗身，○八年佢後父亦因病去世，所以佢個人比較悲觀，覺得可以選擇下都唔想生BB，我就畀佢洗咗腦！」不過，咁樣兩個人可以繼續二人世界生活，樂也融融。
