城中鏡：郭永亮夫婦趁風親子
強颱風尤特襲港，天文台凌晨發出八號風球後，昨早市面分外寂靜，不過風暴下，亦有好多平時嘅繁忙一族偷閒共聚，匯寶集團主席郭永亮（Andy）就趁着突如其來嘅半日假期，同太太及囝囝行商場食晏，趁機親子一番，一家人倍顯溫馨。
郭永亮（右）與太太黃兆賢（左）於八號風球之下，在太古廣場光顧自助午餐。
尋日下晝一點，八號風球仲未落，Andy同佢太太黃兆賢（Flora），帶同囝囝與外傭現身太古廣場，並步進一間茶座共進午餐。一家人雖然好悠閒，但其實兩夫妻就不時透過智能手機跟進風暴消息，Andy話學校因颱風停課，囝囝平白多咗一天假期。於拍賣行任職嘅太太，亦因八號風球無需上班。不過當天文台宣布改掛三號風球，太太就要馬上返回公司報到。所以佢選擇就近太太辦公嘅地點用餐。
至於身為公司主席嘅Andy，就頻頻致電下屬，指導風暴過後嘅安排。Andy話公司同事都能夠適時返回工作崗位，所以佢同家人食飯都唔使心掛掛。
