SUN搞作：sun官場現形記：等到蚊瞓
百物騰貴，疫症又蓄勢待發，香港人生活困苦。有市民見到食物及衞生局局長Dr.高，就即刻上前向佢投訴一番，Dr.高見群情洶湧，一時間都手足無措……
市民︰好心你就開放啲喇！
Dr.高︰妖！人哋係乖乖仔，做咩叫人open啲啫？
市民︰我係講緊牛肉市場呀！
Dr.高︰我哋依家同上面傾緊，可能年底就開放市場。
市民︰仲要等到年底，你知唔知牛肉依家有幾貴，搞到我好耐無食過牛肉！
Dr.高︰想食牛，其實唔難。
市民︰唔難，你畀錢我呀？
Dr.高︰食牛丸咪得囉！
市民︰咁同何不食肉糜有咩分別？
Dr.高︰牛丸依家都唔使用牛肉整，頂住先喇！
市民︰!@@#$$%^^&^&z
