SUN搞作：Sun官場現形記：四方普及損害公眾
白鴿黨出名在於咩？在於同個黨名行嘅路背道而馳。四方西「唔一定由公民提名」普選特首之偉論一出，簡直同四仔劇情無分別，因為實在毫無良知。李衞見社會上面反對聲浪接浪，故潛入白鴿總部，得聽以下一段振奮人心嘅對話。
四方西：（氣宇軒昂）普損，我哋梗支持！
哭喪昌：你梗係支持啦！支持「普及」地「損害」公眾利益吖嘛！
四方西：（辯論戙高腳）我由始至終無改變過，一直都堅持「普及而平等」地爭取普損，你唔好單單打打誣衊我喎！
哭喪昌：（突然眼突作嘔）拜託，你唔好再賣喇！我頂唔順喇！
四方西：（疑惑）賣？賣乜？
哭喪昌：（頂唔順）你係咪成日得個講字，上台「賣講」賣多咗？成日着短裙，主動「護短」，「露晒底」，好肉酸呀！
四方西：（害羞而憤慨）……你好唔尊重女性喎，信唔信我動員罷免你吖嗱！
哭喪昌：都話你露底啦，出埋「晒馬」呢啲政治偽術喇！
四方西：（再三堅持）總之提名方面，我相信退一步係無錯嘅！
哭喪昌：（冷笑）無錯，正如誠信首領都話社會好和諧、無撕裂o架！
四方西：ft%&*^%#$&^&
