同類意外喪女母稱外傭有責
曾芷澄母親指過馬路時外傭有責任盡量保護少主。（資料圖片）
【本報訊】九龍塘蘭開夏道車禍中慘死女童曾芷澄的母親，昨聽聞鰂魚涌發生類似意外，認為外傭有責任盡量保護少主。她指女兒當年已甚有交通安全意識，曾在等待過馬路時，見是紅燈便拉住自己說：「媽咪！依家係紅燈唔過得！」若非有人帶領，相信女兒不會隨便亂過馬路。她認為帶領小朋友外出的外傭責任重大，過馬路時應密切留意交通情況，緊拖少主，盡量站在較接近車輛駛至的一方，即使不幸發生交通意外，少主受傷亦較輕。
曾芷澄母親指過馬路時外傭有責任盡量保護少主。（資料圖片）
肇事司機至今仍未道歉，曾母耿耿於懷，坦言：「唔係邊個啱邊個錯嘅問題……我都明白個司機唔係有心車死我個女，但你唔小心踩到人都要講一聲對唔住啦！佢每次見到我都淨係話唔關佢事，一句對唔住都無講過……雖然佢講咗我個女都唔會翻生，但聽到我個心會舒服啲！」她又嘆道：「依家都好掛住個女，仲睇緊心理醫生，希望可以盡快走出陰霾。」
