「肥豪，塞實啲！」淫賤黎一如既往，喺房中大嗌。「唔夠深入呀！再塞實啲！」只聽到肥豪氣喘如牛，已經用盡吃奶嘅力，奈何仍滿足唔到淫賤黎無盡嘅慾海。「腦細，正所謂人有長處短處，呢方面我真係滿足唔到你喇！」淫賤黎舉手正要冚佢一巴，卻被人拉住。「腦細，呢啲低級編輯滿足唔到你，等我嚟！」呢個咁有型嘅人，正是區區在下。
淫賤黎未見過少膽虫咁有承擔，又唔知少膽虫擦鞋上位嘅決心，只能夠擘大個口得個窿，呆咗一陣先講：「咁肥豪你出番去。記得閂門。」肥豪瞄咗少膽虫一眼，悻悻然咁離開。少膽虫隨即伸手向褲頭帶，淫賤黎見狀大喝：「你仲搞條褲做乜？快啲寫好佢！」少膽虫被佢嚇到頭耷耷，瞥見成地都係紙，寫滿晒「老作該新聞時，淫賤黎不在堆填區」、「《爛果》印刷後直接送去焚化，有關報道其實無人閱讀」等等嘅字句。
少膽虫惘然問：「寫乜嘢呀？」淫賤黎語帶驚惶：「你快啲寫定幾篇聲明解釋啦！內地咁興秋後算帳，個記者再嚟都唔知仲可以點避？」知道原來係腦細擔心嗰個舉報記者，少膽虫求其執起一張紙就話：「呢句咪得囉：壹全霉從來唔老屈人（除咗林奮強），一句講晒我哋幾咁有公信力，咪推晒個責任落讀者度囉。」
「啪！」唔同肥豪，無人幫少膽虫擋呢一巴。「唔夠失實呀！失實啲！再失實啲！快啲寫呀！」淫賤黎怒哮。少膽虫含住淚一邊寫，一邊後悔自己唔記得壹全霉嘅宗旨：失實。
第一手消息請下載on.cc東方互動
