強國多假貨，或者只有貪腐先係真。李衞最近訪問一個喺中港官場都薄有名氣嘅神棍，憑住拉關係嘅毅力同埋厚面皮嘅勇氣，一路上位，最後騙局拆穿，受千夫所指，被迫落難香江……
神棍：喂喂喂，睇我徒手駁番條斷蛇喇喂！
李衞：你真係咁勁嘅話，幫手駁番班港官嘅膊頭腰骨啦！
神棍：你以為我無咩？我同佢哋好熟，次次出事都搵我！
李衞：吓？咁究竟有咩官成日幫襯你呢？
神棍：周一鑊啦、鬍鬚曾啦、貪湯同埋周一鑊咁囉。
李衞：唔講真係唔知！你都幾消息靈通，好有背景咁喎！
神棍：無計啦，我同鄉下班friend熟啫，好照顧我o架！
李衞：玩蛇都咁把炮，請問你做邊行呀？
神棍：平時都係呃呃騙騙，搞吓餐飲、酒店咁。
李衞：咁其實你邊度鄉下呢？益吓細佬我都好吖！
神棍：英國。
李衞：咦？乜你唔係強國神棍咩？
神棍：棍就係棍，不過係大英政棍——「當奴曾」呀！
第一手消息請下載on.cc東方互動
