設計圖片及對白
《公務員通訊》係本地公僕圈中歷史悠久嘅刊物，最近民政事務總署搞搞新意，搞咗個名為《民采》嘅員工通訊，創刊號喺今年二月面世，仲搵咗民政事務總署署長陳甘美華做訪問，圖打響頭炮。上月刊物再出第二期，但呢本疑似東施效顰嘅刊物就冇乜勢，出到第二期都好似冇乜人知咁，唔想拍烏蠅，騰雞美華署長真係要諗諗計囉！
《民采》顧名思義係民政總署員工通訊，創刊號嘅專訪就披露陳甘美華原來係習字畫畫之人，陳太表示自小對「書中有畫，畫中有書」嘅藝術十分着迷，之後正式搵書法老師習字後，對水墨世界更為認識。佢其後又講到工作同生活平衡，自言十分喜歡依家嘅工作，亦重視為家人同自己留點空間，承認從「量」嚟講畀家人及自己時間絕對不及用於辦公時間，不過一切最重要都係「質」喎！
第一手消息請下載on.cc東方互動
