葉劉淑儀同喬曉陽喺北京會面，曾傾政改。（互聯網）
行政會議成員兼立法會議員葉劉淑儀，尋日喺社交網站上載咗兩幅同全國人大法律委員會主任委員喬曉陽（喬老爺）喺北京見面嘅合照，仲透露雙方有傾過香港政改問題。城中就政改嘅討論好熱烈，葉太同喬老爺講啲乜o架？唔通葉太做咗港府同中央之間嘅政改密使？
唔使太多聯想，葉太喺網上解釋話，今次其實係以香港青年愛樂樂團榮譽主席身份到北京交流，咁啱喬老爺以中國國際文化交流中心副理事長嘅主人家身份宴請樂團，因而促成今次「密會」。咁難得有機會見到喬老爺，葉太亦有主動同對方交流政改問題，席間喬老爺提出「喬三點」，即普選應有平等嘅投票權同參選權，但同時重申香港唔係獨立國家，政改必須以《基本法》為基礎，香港特首候選人點都唔能夠同中央對抗，即係無乜新嘢囉！
第一手消息請下載on.cc東方互動
