政壇：何倍倩重酬聘星級陪月

誕下龍鳳胎兩個月嘅恒生新抱何倍倩（Anina）日前亮相，身段好快苗條番晒外，仲顯得好精神。Anina發現生完呢胎，頭髮密咗，體質比未生前更好。佢透露為迎接兩個寶寶，特別請咗位「星級陪月」，月花高達數萬元，但呢位陪月員識煲靚湯、識湊B竅門，佢就認為好值得嘞！Anina話生第一胎時，已透過中介公司請陪月，精挑細選揀來一位阿姨，呢一胎決定繼續聘用，仲請足對方八個月。佢大讚陪月阿姨體貼，不時按佢體質煲湯，款式天天新穎，滋味無窮。