政壇：陳婉珊率團訪非收穫大

仁愛堂上月中率領一班學生前往東非肯尼亞考察十多日，日前已順利返港。團長兼副主席陳婉珊（Clara）話，此行受到幸運之神眷顧，見到大量野生動物，仲睇到動物大遷徙。不過當地野外塵土飛揚，團員頭髮都好似落咗髮泥咁，條褲洗四次都唔乾淨。佢哋探訪當地原住民馬賽族，學生們見到族人用牛糞搭建嘅房屋，甚感好奇。族人仲即場示範鑽木取火、講解捕獵過程。Clara直言旅程有開心亦有苦楚，冇諗過非洲日夜溫差咁大，夜晚凍到要用暖水袋。