港台管理混亂，有署任超過年半嘅剪接總監搣柴後離奇翻生再署任。收風係李衞強項，又畀我偷聽到港台職員爆內幕……

廣播處男職員：做嚟做去都升唔正，就快變林子祥喇！

廣播處女職員：吓？即係點呀？

廣播處男職員：激到衝上雲霄，飛起呀！

廣播處女職員：咪咁激氣，港台開支年年加，報多啲津貼咪算囉！

廣播處男職員：使你講？唔係咩叫「偏執自主」呀？

廣播處女職員：但係「呻吟自由」就愈嚟愈少呢！

廣播處男職員：死啦，會唔會係想陰乾我哋？

鄧忍光：絕對唔係！正如前人話齋，陰乾呢啲咁粗鄙嘅字，同林老師講粗口一樣，一定唔會出自我口啦！

眾職員：語言潔癖！！！

第一手消息請下載on.cc東方互動iPhone/iPad/Android/Windows Phone Apps