城中鏡：霍震霆唔使開會即發福
霍震霆以鴨舌帽配短褲，着咗對波鞋，仲戴埋黑超，成個明星咁款。
冇做立法會議員後，霍震霆少咗開馬拉松式會議，心廣體胖。尋日傍晚七點，佢單拖現身金鐘太古廣場，裝扮好特別，畀人耳目一新嘅感覺，唔通因為天氣好熱？
霍震霆以鴨舌帽配短褲，着咗對波鞋，仲戴埋黑超，成個明星咁款。
佢尋日以鴨舌帽配一條孖煙囪式短褲，露出發達腿肌，着咗對波鞋，認真矚目，仲戴埋黑超，成個明星咁款。佢件繡上奧運五環標誌嘅T恤下，好明顯見到大肚腩。可能佢都知呢排少運動，行路時十足競步咁快。記者上前打招呼，佢起初無乜反應，佢唔係唔睬人，而係戴住耳機聽緊歌。佢最後都發現咗記者，即時笑騎騎話：「唔好意思，我趕住去食飯。」隨即行入三樓一間上海菜館，開餐去也。
