城中鏡：邱李茂琪藉英詩明志
邱李茂琪承諾面對挫敗時，要堅定同鼓起勇氣還擊。
名媛兼畫家邱李茂琪、名模Lisa S.同名媛李桂蘭兒子兼著名攝影師戴尚安，齊聲支持FOREVERMARK「承諾分享」活動，一同作出自己的承諾。邱李茂琪就編輯咗一首鼓舞人心嘅英文詩，承諾面對挫敗時，要堅定同鼓起勇氣還擊。剛榮升媽咪嘅Lisa. S則向囡囡作出承諾，自言會一生一世保護囡囡，佢話：「但我唔會過分保護佢，希望教曉佢學習如何面對生活困難，提升抗逆力，將來畀自由佢揀屬於自己要走的道路。」佢同時希望大家團結力量，保護環境，大家相親相愛地生活。
邱李茂琪承諾面對挫敗時，要堅定同鼓起勇氣還擊。
戴尚安以浪漫手法拍攝名為「承諾」嘅短片，仲邀請咗名模好友Rosemary任短片女主角。
至於戴尚安則以浪漫手法拍攝名為「承諾」嘅短片，佢邀來名模好友Rosemary任短片女主角，短片講述飾演Rosemary男友嘅男模點樣向Rosemary作出承諾，戴尚安認為女人看待男人嘅承諾，等同看待一顆珍貴稀有嘅美鑽，演繹女人對承諾嘅認真態度，同埋男人許承諾時嘅堅定。另外，品牌更邀請到英倫設計師Gareth Pugh創作其個人首件鑽飾，以及英倫皇家芭蕾舞團駐團藝術家Liam Scarlett，編排原創芭蕾舞敍述「承諾」故事。
