香港街道車水馬龍，部分地方更因設計不善引致道路不勝負荷。立法會建築、測量及都市規劃界議員謝偉銓認為，政府設計道路時常以工程及技術為首要考慮，卻忽視使用者需要，「政府通常只係考慮點樣整會平啲或者容易啲，但就完全冇諗過用嗰班市民，結果就搞咗好多畸形設計出嚟！」就新運路情況而言，謝偉銓建議運輸署考慮在繁忙時段將單車徑改為行人專用區，疏導人流。

建築師羅國榮亦稱，繁忙地段可利用人車分流方法設計道路，「好似灣仔區咁，可以用行人天橋接通主要嘅建築物，地面就行車，將人同車分間喺唔同層面，咁先係理想嘅道路設計。」

第一手消息請下載on.cc東方互動iPhone/iPad/Android/Windows Phone Apps