政壇：着皮鞋踢波張超雄hea爆
張超雄（右）着皮鞋落場，着對釘鞋當道具都懶。
留港抖暑嘅立法會議員「長毛」梁國雄、張超雄、郭偉強同「單雞」單仲偕，尋日應邀出席港隊無家者世界盃出征波蘭嘅授旗儀式，兼落場踢邀請賽。踢開波嘅長毛同郭偉強明顯有備而戰，長毛更帶齊護膝同頭箍準備隨時落場，就算單雞都假假哋笠件波衫上身，反觀兼任大學講師嘅張超雄以Ｔ恤西褲襯皮鞋嘅造型出場，着對釘鞋當道具都懶，似乎想堅持走學術派路線。
張超雄（右）着皮鞋落場，着對釘鞋當道具都懶。
開波之後，賽前被睇高一線嘅長毛自日前絕食體重暴跌十幾磅後，狀態明顯下滑，經常「揸流灘」任由對手放甩，好彩大會唔係搵佢代表港隊啫。至於單雞同張超雄，開波冇幾耐連影都唔見喇！
