設計圖片及對白

衡工量值係監管表現同所得掛鈎嘅常見模式,咁政圈又點樣量度表現呢?議員都可以計吓出席率、質詢率,咁各支部甚至黨工又點計呢?民建聯就有好橋,喺主席譚耀宗領導下,各支部每月都要統計曝光率、區議員企咗幾多次街站、將幾多嘢上載到社交網站等等,仲要交返總部管理。話時話,建仔支部不時有啲「阿媽係女人」嘅調查,唔知係咪呢種層壓式「跑數」嘅結果呢?

設計圖片及對白

建仔地區支部人士透露,該黨近年實行呢個評核制度,監督各部嘅工作,而支部主席就要睇緊佢哋嗰區嘅議員有冇偷懶。其實呢個政策原意係好,但就搞到地區濫竽充數囉!

據了解,該黨區議員會喺每月頭幾日上街派發工作報告,令佢哋所屬嘅地區支部錄得多啲街站次數外,亦不時去請願示威,尤其喺政府總部外嘅請願行動,每個月總有好幾次,有時更唔發採訪通知添,唔知咁樣當唔當係一次行動呢?咁都未算,建仔支部嘅積極仲可見於一啲「阿媽係女人」嘅調查,事後仲會舉行記者會公布結果,但呢啲冇乜深度嘅調查缺乏吸引力外,更談不上影響力,睇嚟譚sir嘅「跑數」絕招都要顧吓質素喎!

第一手消息請下載on.cc東方互動iPhone/iPad/Android/Windows Phone Apps