政壇:楊志超呻租貴削港優勢
楊志超話加租狂潮淹沒好多具有香港情懷嘅商店,令到本土特色愈趨淡薄。
樓市飆升,舖租更水漲船高,唔少商戶不堪貴租要結業收場。以本土文化作招徠嘅特色家品店創辦人楊志超(Douglas),最近亦不敵租金升幅而忍痛關閉兩間分店。Douglas話,在商言商,業主謀求最大利益實在無可厚非,但長遠而言,香港競爭力可能因此被削弱,而且會淹沒一啲具有香港情懷嘅商店,更可能迫使有意從事藝術創作嘅年輕人移師至成本較低嘅台灣或內地,長此下去香港優勢恐怕難以維持。
楊志超話加租狂潮淹沒好多具有香港情懷嘅商店,令到本土特色愈趨淡薄。
Douglas仲話,有好多訪港嘅外國朋友打算幫襯本地小店以感受香港風情,點知創意商舖愈來愈少,舉目所見,皆是熟口熟面嘅「來路」品牌,好掃興o架!至於生意市道,Douglas話縱使近年冒出大量競爭對手,但係佢對自己盤生意仍然好樂觀喎!