曾樹和(右)一見發叔即上前握手。

屏山鄉鄉事委員會主席曾樹和等三十多人早前訪問北京,佢哋一反常態搵咗新界社團聯會會長梁志祥隨團,事件引起外間揣測,更被指有意飛起鄉議局主席劉皇發為首嘅鄉議局。但世界真細小,發叔尋日應邀出席一個活動時,就同曾樹和同場相見,姍姍來遲嘅曾樹和一到場,二話不說就同發叔搭晒膊頭同握手,兩個人四萬咁口,真係好似闢謠咁款。

曾樹和(右)一見發叔即上前握手。

曾樹和除咗主動出擊,事後仲加多兩錢肉緊解釋事件,佢話同發叔係自己友,亦認為相關傳聞係「想像力太豐富」。講到佢哋早前嘅北京之行,曾樹和強調今次訪京好似當去某個景點,之後更主動提到明年臨近村代表選舉,所以未必會有類似行程喎。咁講法,今次鄉議局冇得訪京咪走晒寶?

第一手消息請下載on.cc東方互動iPhone/iPad/Android/Windows Phone Apps