SUN搞作：少膽虫手記：壹場噩夢
「少膽虫，你跟開邊個大佬？」少膽虫打咗個尿震，喺廁所冷不防被問。「呢度係邊度呢？」少膽虫四目張望，身處之地竟然唔係《爛果》大樓嘅廁所。正當少膽虫沉思之際，一把熟悉的聲音又再次響起︰「排清排淨先好入嚟，唔係一陣又搞到個地方污糟晒！」
「做啲咩會搞到一地污糟呢？」少膽虫又再思考之際，突然從後被人推前，半推半撞下走出廁所，眼前光景令少膽虫大吃一驚，四周黑沉沉，完全不見天日，面前房間突然打開，一個中年男子慢慢向少膽虫走近。少膽虫極目細察，發現佢同Peter Chan樣貌極為相似，只見佢雙眼下垂，雙手後掩，面容扭曲，一臉痛苦狀。「望咩望，一陣咪又輪到你！」該男子說畢，即一拐拐向前走，消失於少膽虫眼前。
「下一個！同我入房！」熟悉聲音又再次響起，房內走出兩名男子，少膽虫又不禁驚訝，兩男樣貌同肥豪、fing春蘇一樣，「快啲，搞埋呢個就收得工！」兩男邊講，邊拉少膽虫入房。「做咩仲着住條褲？快啲喇，如果唔係部機爛咗，我使做呢啲嘢？」少膽虫一望，眼前之人竟然係淫賤黎，瞬間，少膽虫眼前一黑，就此痛昏過去……
「喂，少膽虫快啲醒，咪再偷懶！」少膽虫緩緩張開雙眼，眼前說話之人又係淫賤黎。「腦細，你啱啱對我做咗啲咩？」少膽虫忍唔住開口問。「做咗咩？我啱啱先入嚟會做咗咩呢？我淨係叫你起身咪偷懶！」淫賤黎反問少膽虫後就走出房間。突然，少膽虫感到臀部極痛，唔通又係痔瘡發作……
