葛兆源及劉桂容與初生BB的全家福。

喺上屆元朗區議會選舉打敗工黨李卓人嘅工聯小花「阿容」劉桂容,已經做咗人阿媽喇!阿容老公、荃灣區議員「阿源」葛兆源尋日喺網上上載咗囝囝出世後一家三口嘅照片,話經過三十小時嘅生產過程,BB終於喺早上十時二十一分出世!

葛兆源及劉桂容與初生BB的全家福。

我哋打電話恭喜阿源,佢話BB重七磅幾,阿容前晚作動入院後,BB至尋日朝早出世,成個過程好順利。但新任爸爸一直都唔敢抱BB,怕整傷BB喎。至於BB會改乜嘢名呢?阿源就話暫時只係叫阿B,可能叫奕希,但仲未決定。阿容一家三口咁啱都喺七月生日,咁以後工聯阿媽、阿爸同阿B咪可以一齊慶生囉!

第一手消息請下載on.cc東方互動iPhone/iPad/Android/Windows Phone Apps