城中鏡：金刀梁扶貧顯鐵人本色
李麗娟（左起）搵嚟陳祖澤、梁智鴻同楊大偉等好友真情剖白。
香港大學校務委員會主席「金刀梁」梁智鴻出名魄力驚人，佢尋日出席一個飯局時，就畀社企Green Monday創辦人之一David楊大偉大爆其趣事。
李麗娟（左起）搵嚟陳祖澤、梁智鴻同楊大偉等好友真情剖白。
話說有次兩人去四川同甘肅扶貧，David話嗰日佢哋坐朝早七點飛機，金刀梁半夜喺養和醫院巡完房直接趕到機場，好似唔使瞓咁。落機後佢哋轉搭九小時長途車到偏遠山區，David形容路途顛簸，但金刀梁竟然仲可以睇文件，真係寫個服字畀佢。最後佢哋完結行程返港，金刀梁一落機又趕番醫院巡房。
講番個飯局，民政事務局前常秘「媽打」李麗娟早前走入錄音室開咪，各界好評如潮，遲啲再接再厲，訪問三十位成功男性。媽打今次碌爆人情卡，搵嚟金刀梁、David同馬會前主席陳祖澤等，大爆佢哋鮮為人知嘅一面。
