城中鏡：富智康升呢自出手機
童文欣決定將業務擴展，自己出手機。（資料圖片）
富智康同埋阿媽鴻海做手機代工做到街知巷聞，富智康長期幫諾基亞及摩托羅拉做組裝，鴻海嘅米飯班主就係蘋果公司嘅iPhone，做生意嘅人都會居安思危，富智康主席童文欣都唔例外喇！
童文欣決定將業務擴展，自己出手機。（資料圖片）
專家都拆解過手機生產工序，發現組裝部分賺嘅錢非常少。今年高端智能手機唔係賣得咁好，低端機價錢平，利潤自然更微薄，所以組裝企業要賺錢，都要擴展一下業務。
富智康決定將業務向上游擴展，同美國投影機品牌富可視（InFocus）合作，推出兩款新智能手機，兩部機都會由富智康一手包辦設計、開發同製造。富智康日後有機會將手機零件嘅自製率提升到超過五成，亦會協助手機客戶改善軟件，持續開發軟件平台。
