透視鏡：打橫嚟講：強辯運送過程已損壞
海關版權及商標調查科最大的證物庫。
「海關真係離晒譜，亂咁處理證物，整爛咗又唔負責任！」梁先生對購入的黑膠唱片慘被海關人員扣查兼無故損毁，感到非常憤怒，認為海關人員處理證物手法非常草率兒戲，有關部門應該正視問題，保障事主的利益。
海關版權及商標調查科最大的證物庫。
梁先生指，當他收到運輸公司通知貨物被扣查後，隨即致電海關人員聯絡，惟基於海關處理證物的程序，遲遲未能前往驗貨，「隔咗差唔多成年先獲上庭裁判，之後驗貨先知有問題，真係唔明海關點樣保存扣起嘅證物！」
他又質疑，海關人員將同類唱片逐隻打開檢查，在處理上存疑，「海關只係需要拎一隻碟去驗證，又唔係要拎晒全部碟去驗，點解要打開晒呢？打開都算啦，但點解要整花呢？海關係庭上同法官講話可能運送嘅過程已經爛咗，真係打橫嚟講，連個裁判官都質疑呢點。」
對於案中疑有海關人員作假證供，梁表示審訊期間有海關人員供詞前後矛盾，而海關曾經向法庭提供一份有關唱片價值的文件亦前後不一，由先前六萬九千七百五十元，到後來四千六百五十元。
